鄭雅琪 李沛妍 踏台板震入心

東方日報

阿刨徒弟鄭雅琪及李沛妍的超水準演出，令觀眾拍案叫絕！成功背後，兩人異口同聲說其實非常緊張，鄭雅琪接受本報訪問坦言由綵排至公演，感覺好像一場夢，她說：「從來冇諗過可以同菩生姐（阿刨）同台演出同埋跟佢學嘢，總綵排當日真正踏台板，嗰刻真係由心震出嚟，直到公演時以為自己唔震，點知舞扇時先發現隻手係咁震，由心震出嚟，緊張程度超乎想像。公演後嗰晚我瞓唔着，能夠同大師級菩生姐合作，係一個好好嘅經驗。」

鄭雅琪續說自去年秋天跟阿刨學習及排練，獲益良多：「佢教我演戲上好多竅門包括感情投入，菩生姐已經交咗條匙畀我，我會繼續摸索，好多謝佢嘅指導。」同樣表示心情超緊張的李沛妍，直言是次經驗猶如上了一課深造班，她說：「菩生姐喺度，就好似畀咗定心丸咁，有佢喺度，我個心當堂定啲。大家會有交流，佢教我點做動作同埋投入感情，真係獲益良多！」

http://orientaldaily.on.cc/cnt/entertainment/20141125/00282_016.html