拜祭任劍輝死忌 阿刨邀仙姐睇《紫釵記》

【on.cc東網專訊】
有「戲迷情人」之稱的粵劇名伶任劍輝今日逝世26年，一班徒弟包括龍劍笙（阿刨）、梅雪詩（阿嗲）、陳寶珠和謝雪心等，先後抵達任姐老拍檔白雪仙的跑馬地住所，向恩師任劍輝致祭。她們都經過悉心打扮，阿刨以花衫配蝴蝶結鞋，至於手拿潮牌紅色格仔BaoBao袋的寶珠和一頭紅髮背貓咪包包的心姐都令人眼前一亮！

阿刨：「仙姐家好熱鬧」

正午12時，不少任劍輝的戲迷陸續登門上香憑弔，而阿刨就在下午1點鐘由司機接送下到達，她說：「同任姐裝番炷香。」逗留約1小時後便離開。阿刨表示仙姐家相當熱鬧，愛徒好友紛紛到來：「嚟完一批又一批，又走一批咁。（有幾多人？）好多，幾十個。」問有否請白雪仙欣賞她年底主演的《紫釵記》全劇？她即謂：「有請呀！（佢有冇話去？）我唔可能講『你係咪去架？』咁架嘛！（依家趕去排練？）係，要返去操曲。（啲飛好難買，已經賣晒喇！）多謝！」又謂現在練習進度良好。

阿嗲準備鮮花致敬

而謝雪心和阿嗲就在下午1點半左右分別到達逸廬。謝雪心表示會跪在師傅靈位前斟茶：「梗係要拜師傅啦！（咁多人會唔會打吓麻雀？）今日唔會喇，佢哋啲麻雀腳唔係我嗰啲嘛。哈哈，仙姐聽到會剁我。」而阿嗲就表示準備了鮮花致敬，說：「好多人都嚟，任姐生前鍾意熱鬧，年年都係咁。」兩人和寶珠逗留至下午3點半就齊齊離開跑馬地。

視頻
http://tv.on.cc/hk/index.html?s=4&i=OEN151129-13244-101M-2044&d=1448803836

http://hk.on.cc/hk/bkn/cnt/entertainment/20151129/mobile/bkn-20151129204415746-1129_00862_001.html