粵劇名伶龍劍笙（阿刨）早前完成一連25場《龍情詩意半世紀》後，原定啟程返加拿大休息，不過經主辦單位負責人邱亞葵游說下，最終決定延後離港，並推出翻唱師父任劍輝四首經典名曲個人專輯，作為向師父致敬。
四首名曲包括電影《梁祝恨史》主題曲《有情話把鴛鴦葬》、《一支紅艷露凝香》、《孤雁再還巢》及《牡丹亭驚夢之西遊驚夢》，為了是次專輯，阿刨找來了奚仲文擔任形象指導、陳文輝擔任化妝師，還找了專人設計一套梁山伯化蝶裝，以及重新訂製金冠，問到為何會有這樣構思，阿刨謂：「因為都聽過好多朋友講，話我翻唱師父作品比較少，咁本身自己鍾意喺加拿大生活，咪趁今次返嚟演出再做多啲其他嘢囉！唔係唔知下次幾時先返。」
月底率先出DVD
阿刨透露近日已完成錄音及拍攝宣傳海報，現只等待排期推出，不過在此之前，阿刨與拍檔梅雪詩（阿嗲）率先於本月底推出《龍》劇DVD光碟，滿足一眾粉絲要求，今次製作特輯將會加入大量二人的大頭及半身鏡頭，當中有4,888隻、每隻售價880元的乃限量版，並已獲大批粉絲訂購。
文：影視組
http://orientaldaily.on.cc/cnt/entertainment/20120111/00282_036.html
阿刨為了是次的專輯而重新訂製金冠
阿刨亦找了專人設計一套梁山伯化蝶裝
阿刨透露專輯已完成錄音及拍攝宣傳海報，現時只等待決定推出日期。
阿刨事事認真，翻唱師父名曲當然是信心之選。
嘩，天大好消息！期待期待...
回覆刪除笙姐，多謝您！
[版主回覆01/11/2012 12:41:16]還要多謝促成此事的丘生。
很開心呀，笙姐出個人專輯，一定繞樑三日，百聽不厭。開心開心開心......
回覆刪除[版主回覆01/11/2012 12:41:42]勁開心!
熱烈期待笙姐新碟面世 !
回覆刪除笙姐這套梁山伯化蝶裝好靚 !
[版主回覆01/11/2012 12:44:45]係呀。 睇到佢咁靚, 諗吓有得睇就正, 正, 正 !
笙姐的造型令我記起廿多年前的「笙歌雪舞」，而笙姐的外型幾乎完全無變，不知還有沒有其他三首歌的造型呢？
回覆刪除[版主回覆01/11/2012 13:00:43]笙姐真是青春不老 ! 暫時未見有其他造型照。
Hurray! 好興奮呀！原來刨刨秘密期回家為我們製造一浪接一浪的驚奇，太好了。多謝刨刨，多謝丘生，多謝Phyllis 報導這好消息！
回覆刪除[版主回覆01/11/2012 13:02:37]熱切期待 !
真是好消息,四首都是我喜歡的歌﹔
回覆刪除[版主回覆01/11/2012 13:05:06]有兩首在溫哥華籌款表演過，笙姐唱得好好聽架。
套衫很靚呀！
回覆刪除[Van仔回覆01/12/2012 00:00:12]無錯，笙姐很靚，佢保養得很好。
[版主回覆01/11/2012 13:05:44]笙姐都好靚哦。
嘩！嘩！好消息，笙姐出個人專輯，如果是DVD就好啦 ~ _ ~ ，不單有得聽又有得看。呵呵 ^ o ^ 真的天大好消息！多謝刨刨，多謝丘生，十分多謝！
回覆刪除[版主回覆01/11/2012 13:07:05]值得舉杯歡慶 !
哎呀，不是「牡丹亭驚夢之西遊驚夢」，應該是「牡丹亭驚夢之西樓驚夢」吧！
回覆刪除[版主回覆01/11/2012 13:48:19]呢個教對, 真係要好好教訓吓佢。
[小提回覆01/11/2012 13:27:00]還有打錯售價應是,,,每<套> 定價HK$880- 的 限量版.
[小提回覆01/11/2012 13:12:37]真係同佢有情<話> !
[Sabrina fan回覆01/11/2012 12:26:44]噢，幸好有優質相片補救！
[版主回覆01/11/2012 12:21:03]有情活把鴛鴦葬, 他們都打成有情<話>把鴛鴦葬。
Van仔：乜淨係套衫靚咋咩？
回覆刪除[Ruby回覆01/11/2012 14:41:56]都超可愛，你哋看第二張相。
[版主回覆01/11/2012 13:07:57]笙姐都好靚, 係超靚。
Yeah! 希望在明天！陸續有得睇有得聽就好喇！
回覆刪除丘生都幾好嘢！打蛇隨棍上！刨刨好信任佢！希望佢繼續努力遊說阿刨再演出！
[版主回覆01/11/2012 13:10:16]尾場那天，司儀都話丘生好口材，又一次例證。
加油呀~~~~~刨姐簡直sharp 醒~~呀~~間中工作,閒時hea 爆~米會好神采奕奕囉.~~~
回覆刪除刨姐你要多d返香港呀~~~~~充滿fans支持既力量既刨姐一定愈來愈健康,愈來愈開心快樂~~
[版主回覆01/11/2012 13:40:13]但願如你所說: <刨姐一定愈來愈健康,愈來愈開心快樂~~>
http://www.youtube.com/watch?v=-ZB0Xre4unI 呢套video 令我更加肯定左要做刨迷一世..haha 所有abt 刨既野都系代表good luck to me!!! haha.....
回覆刪除[版主回覆01/11/2012 13:42:19]呢套<幻覺>詳盡啲, 係最好看的，
好消息陸續來，希望唔會停就太好了！刨刨翻唱師父名曲！好開心呀！
回覆刪除[版主回覆01/11/2012 13:43:04]超開心。
天大喜訊! 我一直都好想笙姐唱任姐名曲架! 笙姐真體貼fans願望^.^
回覆刪除[版主回覆01/11/2012 13:43:48]笙姐梗係收到你千里傳音。
呢次真係發大達啦! 今日呢個超級大好消息, 令我超超超 ------ 開心興奮哩! 之前有人話刨刨已返加國, 又有說佢仲喺香港, 原來刨刨喺度, 為我哋秘密預備大禮呀! 多謝! 千多萬謝! 萬多億謝呀!
回覆刪除[版主回覆01/11/2012 13:44:39]又有傳話佢月中先返加。
這個簡直是超級大的新年禮物呀。今個農曆年真開心。^ O ^
回覆刪除聽說她回加拿大過農曆年喎？
[版主回覆01/12/2012 10:30:27]據訪問是如此報導。
忽有奇想 , 如果笙姐粉墨登場拍錄埋成專輯DVD ......
回覆刪除嘩! 嘩! 嘩! 咁就發達咯 !
你地睇下笙姐照片中的扮相幾"正" !!!!
[可可媽咪回覆01/12/2012 18:17:46]雛鳳唔做舞台可以粉墨登場拍錄埋成專輯DVD 、例如再世紅梅記、牡丹亭驚夢、俏潘安、梁祝恨史、【洛神】夢會衛夫人等等
[版主回覆01/12/2012 10:32:24]就拭目以待吧 !
[Ckos回覆01/11/2012 18:25:35]Echo，我都有奇想刨刨會像其他歌星一样拍理mv 呀！
多謝你，我今年真係好開心，我等呢日等左好耐，多謝笙姐，多謝卹生。呢份消息係好開始，希望笙姐身體健康。
回覆刪除[版主回覆01/12/2012 10:32:47]這是笙姐給我們的新年禮物。
呢段新聞睇到唔捨得走，笙姐靚爆了，帥呆了！哈，由現在開始，又有排開心了。
回覆刪除[版主回覆01/12/2012 10:33:23]彼此, 彼此!
喔 ! 乜阿刨有唱西樓咩 ? 唉 ! 可惜冇人有錄喇 !
回覆刪除不過好多謝你錄咗梁山伯果首 !
[版主回覆01/12/2012 10:34:12]唔駛可惜, 唱片就出囉。
笙姐休息了一段日子，精神飽滿。她的轉體動作不但輕盈，而且輕柔，尤其是第三幀照片，儼如身穿粉紅色婚紗的少女，太嫵媚了！
回覆刪除[版主回覆01/12/2012 13:29:37]對, 對, 對!
噢! 真係一份超大....大及貴重禮物, 多謝笙姐, thank you Mr. Yau
回覆刪除[版主回覆01/12/2012 13:30:19]開心到瞓唔著。
hi,Phyllis,上你呢度簡直就好似去樂園玩甘呀!!haha好多野睇,又可以比我地傾下講下呀刨姐甘囉.~靚靚心情~~日日返工時候都要上來呢度探你囉..仲想請你食朱古力tim~~食左令你都心甜~~!!刨迷就是可愛既人~~~:))))
回覆刪除[版主回覆01/18/2012 15:56:57]同意。
[eve回覆01/13/2012 00:35:33]有時候高處不勝寒~~~~~少左消息就當系笙姐在享受緊寧靜既時刻 :o :o
[版主回覆01/12/2012 13:36:54]多謝你的朱古力，當食咗，我個心甜到漏。過咗呢個月，應該會冇咁多嘢睇。
笙姐真係好體貼我地 , 刨迷今年簡直出雙糧 , 興奮至極 , 最好唔好比佢停 , 陸續又有更好的消息 .
回覆刪除[版主回覆01/12/2012 15:56:21]希望笙姐休息過後會考慮。
---------太俊俏亦美妙的身段啊------但願長留住此情懷不曾醒---------------
回覆刪除[版主回覆01/15/2012 02:43:36]可以的, 在心中好喇，我們還要返回崗位。
你好，我是首次到訪，有很多刨刨資料，有幸看到兩場精彩演出，現在等DVD，刨刨又出CD開心死...
回覆刪除[版主回覆01/15/2012 02:51:43]歡迎到訪。
對呀。我們今年真是豐收。
當年仙姐收錄帝女花時對錄音也有點抗拒，但後期也改變了，尤幸把三寶錄好流傳後世。想今天為什麼笙姐和嗲姐不彷效師傅的做法，把她們的戲寶全部錄音千古流傳呢！
回覆刪除[版主回覆01/18/2012 16:01:08]玥: 有舞台實錄，當然更理想啦 !
[版主回覆01/18/2012 15:59:47]Muifan: 以前可能是版權問題，現在可能等待時機吧。
[玥回覆01/16/2012 10:55:55]我觉的 还是舞台实录 更棒
絕對贊成同認同，希望笙姐同嗲姐考慮下，如果可以的話將任白四寶再出碟，可以延續和承接師傅的希望，更可再一次帶動粵劇，再一次掀起年青一代對粵劇既熱情，今次我去了三個埸館看雛鳳，發覺多左好多年青人去看。
回覆刪除[版主回覆01/18/2012 16:06:48]我都發覺雛鳳鳴有頗多年青觀眾，實在已發揮了承傳的作用。
如果出DVD會有難度，不如出先出CD。如笙姐係再世紅梅記個句話"退而求其次"，我知愛笙姐，因為佢無人能及囖。
回覆刪除[版主回覆01/18/2012 16:10:21]我不敢說無人能及笙姐, 我只會說<我眼中無別個，心中只有她 ! >
你好,我是路過的,唔好意思,我想請問龍情詩意半世紀DVD限量版,
回覆刪除可在那裡訂購呢?謝謝!
[版主回覆01/18/2012 01:57:28]可上直接聯絡新娛國際。
地址: 香港九龍新蒲崗八達街9號威達工貿商業中心27樓2702室
電話: +852 3154 9872
傳真: +852 3154 9870
電郵: info@jvent.com.hk