粵劇名伶龍劍笙（阿刨）與梅雪詩（阿嗲）一連廿五場《龍情詩意半世紀》前晚圓滿結束，完場時全場觀眾站立鼓掌，阿刨與阿嗲難抵觀眾熱情，結果五度出場謝幕，心情興奮的阿刨更又喊又笑，場面感人。
及後二人移師酒店筵開13席舉行慶功宴，菜式走高檔路線，每圍價值逾萬元，當中更有鮑魚及海參，期間阿刨與阿嗲更未見疲態，不時與友人碰杯，問到連續舉行多場演出有否感辛苦，阿刨笑謂：「都OK，唔係咁辛苦，頭先喊係因為見到觀眾支持感動（會唔會加場？）哈哈！呢啲係第時嘅事，都冇諗過，依家最想係休息先，見下屋企人食多兩餐飯，之後就會返溫哥華過年。」
白雪仙感冒無到場
阿嗲透露師傅白雪仙因感冒未有到場，不過早前已率先過目，問到師傅可滿意二人演出？她謂：「點會滿意，所以叫我哋繼續努力，至於之後加唔加場就要睇阿刨，我恨做恨到發燒，尤其同阿刨合作。」不過在旁的阿刨聞言卻謂：「都係休息下好啲，我年事已高嘞！（演出完點輕鬆下？）返屋企瞓覺囉！」
文：影視組
http://orientaldaily.on.cc/cnt/entertainment/20111215/index.html
沒有留言:
發佈留言