阿刨遭戲迷後台賜嚇
紀念任白愛徒龍劍笙（阿刨）與梅雪詩（阿嗲）從藝五十年的《龍情詩意半世紀》已演出四場，昨開始會由沙田大會堂移師至香港文化中心大劇院續演五場。阿刨認為自己第一晚太緊張，表現並不合格，直到第四晚才過到自己。而阿嗲就演得非常開心﹕「一切就似回到從前，又見番好多好朋友。」
嫌保安疏忽
其實為免二人受到滋擾，後台保安極嚴，除掛證之工作人員外，完全嚴禁外人出入。但於演出的第二晚時，竟有一位男士二度闖入阿刨化妝間。當他第一次入房時，阿刨還未在場，到他第二次進入房間，阿刨和四位工作人員已在，該男士一見阿刨便掏相片邀阿刨簽名，幸沒發生意外，不過事件已把阿刨嚇得花容失色，她亦坦言這件事令她甚為不安。
老闆丘亞葵說：「連我未戴證也不能進入，為甚麼場館保安人員會這樣疏忽？」為此他曾向場館作出投訴，他亦希望戲迷們自律，不要再令阿刨在演出期間受到滋擾。
文：影視組
http://orientaldaily.on.cc/cnt/entertainment/20111208/00282_045.html
下？邊個咁夠膽嚇到笙姐？！等我教訓下佢先！
回覆刪除[版主回覆12/08/2011 15:15:39]嘩! 笙迷真係眾志成城, 好嘢!
[Ruby回覆12/08/2011 15:10:28]我都讚成。一於圍打他，咁夠膽嚇到我們的笙姐。~ v ~ **
[版主回覆12/08/2011 13:19:51]兩個淑女，又兼熟女，為咗笙姐變得咁暴力，愛笙之情盡現。
[小提回覆12/08/2011 07:54:44]一於使出功夫 < 熊 > 拳，搥到佢都有熊貓眼 !
唔怪得那晚笙姐謝幕時好似有少少唔開心啦 , 那個男戲迷真的好過份 , 影響笙姐演出便大件事了 . 對嗎 ?
回覆刪除[版主回覆12/08/2011 15:53:26]朋友當晚也奇怪謝幕時，笙姐少一點笑容，可能真係嚇到花容失色。
嘩 ! 嗰個男人好膽大喎 ! 好質疑那些後臺化裝間會咁容易被閒人闖入嘅, 保安點可以咁差架 ?
回覆刪除回覆
[版主回覆12/09/2011 01:28:54]我諗笙姐真會被嚇親。
[eve回覆12/08/2011 16:17:16]勁攪野..真是會嚇親刨姐囉..haha..黑人憎!
[版主回覆12/08/2011 16:07:52]所以一定要徹查。
前臺呢…..就每3行1個實Q；後臺呢…...Aiya 失策哦！
回覆刪除[版主回覆12/09/2011 01:29:58]係囉，後台先最重要嘛。
每3行1個"食蕉", 唔係馬, 睇戲炸喎?! 洗唔洗咁嚴呀..... 學muifan話頭---- 比的空間我們拍拍照啦.......留個念姐....... please......................... 其實每3行1個係咪真架??
回覆刪除[muifans88回覆12/09/2011 10:16:53]我在沙田時應沒那麼多，在前面一段像前有四個後有兩個。
[Sammi回覆12/09/2011 07:43:46]我未有得睇，正等待下星期的到來
[版主回覆12/09/2011 01:31:54]你冇留意咩? 下次入場，記得睇真啲。
記得聽朋友講過話係很多年前, 當雛鳳在北角新光戲院登台時, 亦曾發生過突然間有位男士於笙姐在台前演出時衝出台前, 笙姐被嚇得手足無措不知如何是好, 並一直留下陰影, 真希望fans們要好好自律, 好好愛護笙姐, 以後不要再做出此荒唐行徑, 此外, 會堂及有關機構亦要認真研究何解會發生如此嚴重的事故
回覆刪除[版主回覆12/09/2011 01:32:53]真的希望戲迷能自律。
[Sammi回覆12/08/2011 23:17:05]唔知會唔會是同一人呢?