朱義盛

月初返港, 逗留了兩個星期.  又是大豐收的旅程, 見過想見的親朋戚友, 連奢望想見的亦見過;  也收到很多禮物, 最貴重的是老爸送給我的生日禮物, 是一條設計新穎的金頸鍊.  拿上手, 秤一秤,  mh.... 心想經濟拮据時, 又多一樣資產去應急.  其實我少戴金飾, 比較喜歡戴"朱義盛", 因為潮流過後, 棄之亦不覺可惜.  (窮就係窮啦, 仲係到扮嘢. )  剛好幾天後有親友娶新抱請飲, 我便急不及待show quali, 因為實在沒甚機會. 

當晚見到新娘子一雙金光閃閃的手, 自己的項鍊則相形見拙.  新娘子的金鈪戴到近手肘, 是我所見過最多金飾的一位新娘子.  我這個"大鄉里", 不禁嘩然!  坐在身傍的小叔即時拆穿人家西洋鏡, 說是租回來的首飾, 不用大驚小怪.  (吓!  租回來, 我嘅年代唔興嗰噃.)  他說現在潮流興租用仿金首飾.

小叔所說, 本來是半信半疑的, 過了幾天看到報章介紹一間仿金首飾店, 才深信不疑.  文章說現在的年輕人平常不喜歡佩帶金飾, 婚禮過後, 所有金飾只會存放在保險箱, 或拿去金行熔掉套現, 但這會蝕去火耗和佣金等的差價.  倒不如租用首飾來得實際, 因為租金相宜, 一對龍鳳鈪的租金由$100 - $400不等.  用二三千元租用首飾已很有睇頭.  所以近年租買仿金首飾的生意頗有可為.

 圖片來自蘋果日報:   

 

「朱義盛」是舊時廣州的一家金飾店，以供售 K 金首飾著名.  雖然朱義盛標榜其 售賣的 K 金首飾是永不退色，但 K 金始終是 K 金.  故當有人炫耀從省城的朱義盛買回金飾，識貨者便會譏笑那是「假貨」.  後人就用了「朱義盛」去譏笑假冒的貨色.    (資料來源: rthk27.rthk.org.hk/php/lautinchi)