粵劇班霸雛鳳於12月公演20場折子戲，門票昨日正式開售，不足1小時火速沽清，出現一票難求的空前盛況，主辦單位接到數以百計戲迷的投訴電話，紛紛要求加場甚至加企位，令專程返港演出的龍劍笙（阿刨）感動又開心。
由龍劍笙（阿刨）和梅雪詩（阿嗲）組成的雛鳳鳴劇團，耗資千萬製作的20場折子戲《龍情詩意半世紀》，將於12月1日起假沙田大會堂首演，之後轉到文化中心和演藝學院接着公演。由於雛鳳已有19年沒在香港表演粵劇，內部訂購早已超額，單是雛鳳師傅白雪仙就代好友訂了2500票，故戲迷早於一星期前已在票房擔櫈仔排隊搶飛，情況墟冚。
望增企位
門票終於昨日正式開售，結果於不足1小時火速沽清，一票難求，令數以百計戲迷鼓譟，紛紛致電主辦單位新娛國際投訴，質詢是否扣起大部分門票作內部認購？新娛負責人丘亞葵澄清沒有扣起大部分飛，有50%門票公開發售：「好多戲迷電話投訴話買唔到飛，公司都好遺憾，佢哋要求加場，甚至加企位同電視轉播。」
丘亞葵表示昨日已第一時間將喜訊通知阿刨：「佢好開心，對戲迷50年不離不棄嘅支持無言感激，阿刨答應考慮加場，但要睇場地同體力可唔可以應付。」文：音樂組
http://orientaldaily.on.cc/cnt/entertainment/20111103/00282_021.html
希望佢加場就好咯 !
回覆刪除[muifans88回覆11/03/2011 13:07:43]我相信很大機會，今會可能更厲害！
[版主回覆11/03/2011 12:23:14]報章寫得出來, 應該有幾成機會。
加場當然好啦，但又要再撲一次飛都好慘，又對那些有心只買最後一場的人來說更慘。我仲未搵到張飛就慘上慘！
回覆刪除[版主回覆11/03/2011 12:24:35]情況應該會緩和一點吧。
眞犀利!!!!!!!!!!!!!!!!!!!!
回覆刪除[版主回覆11/07/2011 15:25:00]Yeah!
我都希望佢加場，不過，最緊要是笙姐身體和精神上能應付得到才好。我都希望佢能一年一度演出添！
回覆刪除[版主回覆11/04/2011 11:36:18]你好貪心啫。 不過, 我都想。 * _ ^
真係加場就好囉！最緊要笙姐開心！你現在有票心都定晒啦！我地齊齊去等刨刨呀！
回覆刪除[版主回覆11/04/2011 11:37:23]好呃。 戲院後門見。
希望佢加場啦！
回覆刪除[版主回覆11/04/2011 11:37:51]有機會嘅。
都話笙姐好野啦 , 笙姐既魅力一直沒法擋 . 龍捲風既強勢一直沒法擋 . 對嗎 ?
回覆刪除[版主回覆11/04/2011 11:38:40]又真係幾勁嘅!
最重要是兩位演出者保重身體。
回覆刪除[版主回覆11/04/2011 11:39:18]那當然啦!
嘩，笙姐魅力沒法擋，勁呀！在此亦祝笙姐年年有今日、歲歲有今朝。無量光無量壽福慧雙修^^
回覆刪除[版主回覆11/04/2011 11:41:23]相信笙姐會收到你的祝福。
好可借本人買不到門票,也希望能夠加場.
回覆刪除[版主回覆11/04/2011 11:48:17]希望真的加場, 那就可慰向隅的戲迷。
最緊要笙姐肯加場！場地&時間可以慢慢傾！肯定加多二十場都會有人買不到飛！勢如破竹呀！
回覆刪除[版主回覆11/04/2011 13:00:07]也不出奇! 以前一年演百多二百場都是滿座的。